اپنا وائرلیس اکاؤنٹ محفوظ کرنے کا گائیڈ

1. ویب براؤزر کے سرچ بار میں اپنے راؤٹر کا آئی پی ایڈریس لکھ کر اپنے وائرلیس راؤٹر کے آئی پی ایڈریس میں سائن ان کریں۔ اگر آپ کو اپنا آئی پی ایڈریس تلاش کرنے میں مشکلات کا سامنا ہو تو زيادہ تر راؤٹرز کا ڈیفالٹ ایڈریس 192.168.0.1 یا 192.168.1.1ہوتا ہے، اسی لئے پہلے یہ ٹاپ کرنے کی کوشش کریں۔ آپ کو اپنے وائرلیس راؤٹر کے پیچھے اپنے راؤٹر کا آئی پی ایڈریس مل سکتا ہے۔ لاگ ان کے پیج تک رسائی کرنے کے لیے اسے براؤزر کے سرچ بار میں لکھیں۔
   
2. بعض راؤٹرز کی ڈيفالٹ لاگ ان معلومات ایڈمن اور پاس ورڈ ہوتی ہے، اس لئے اگر آپ کو اپنے لاگ ان کی تفصیلات معلوم نہ ہوں تو انہيں آزما کر دیکھیں۔
   
3. لاگ ان کرنے کے بعد آپ کو متصل آلات کی فہرست تک جانا ہوگا۔ آپ کے راؤٹر کے لحاظ سے، یہ معلومات مختلف مقامات پر موجود ہو سکتی ہے، اس لئے اکاؤنٹ کے مختلف آپشنز اور سیٹنگز میں دیکھیں۔
   
4. غیرمطلوبہ آلہ ہٹانے کی کوشش کریں۔ جب تک "ہٹائيں” نیلے رنگ میں لکھا ہوگا اور سرمئی رنگ کا نہ ہو، آپ ایسا کر سکتے ہيں۔ نوٹ: ممکن ہے کہ آپ کسی یوزر کو ہٹانے سے پہلے ثبوت کے طور پر اسکرین شاٹ حاصل کرنا چاہيں۔
   انتباہ

اس معلومات کے ذریعے آپ کو ابیوزر کے سیٹ اپ کردہ آلے پر اختیار واپس لینے کے متعلق معلومات فراہم کی گئی ہے۔ اگر آپ کو شک ہو کہ آپ کے آلے کو خطرہ ہے یا اگر آپ اپنے آلے کے تحفظ کو یقینی بنانا چاہتے ہيں تو آپ آلے کو فیکٹری ری سیٹ کر سکتے ہيں۔ جب آپ اپنے بی ٹی ہب کو اس کی فیکٹری سیٹنگز پر ری سیٹ کرتے ہيں تو آپ کے وائرلیس نیٹورک کا نام اور پاس ورڈ اپ ڈیٹس سمیت تمام اپ ڈیٹس ضائع ہوجائيں گی۔ یہ ڈیفالٹ سیٹنگز پر ری سیٹ ہوجائيں گی جو آپ کو اپنے راؤٹر میں ملیں گی۔

1. فیکٹری ری سیٹ کا بٹن ہب کے پیچھے پاور ساکٹ کے اوپر موجود ہے۔
2. ہب کو آن رکھتے ہوئے، ری سیٹ بٹن کو پانچ سیکنڈ کے لیے دبائيں اور پھر چھوڑيں۔
3. اب ہب ری سیٹ ہوجائے گا۔ اسے مکمل ہونے کے لیے پانچ منٹ تک کا وقت لگ سکتا ہے۔
4. جب ہب کے سامنے موجود روشنی مستحکم نیلے رنگ کی ہوجائے تو آپ جاری رکھ سکتے ہيں۔
5. ہب سے دوبارہ متصل ہونے کے لیے آپ کو ہب کے پیچھے موجود ڈيفالٹ ایس ایس آئی ڈی کا نام اور پاس ورڈ استعمال کرنے کی ضرورت ہے۔
6. ایڈمن کا پاس ورڈ بھی ڈيفالٹ پر سیٹ کیا جائے گا۔

مہمان وائی فائی نیٹورک آپ کے راؤٹر پر ایک علیحدہ رسائی کا نقطہ ہے۔ آپ کے تمام گھریلو آلات (آئی او ٹی) ایک نقطے سے متصل ہیں اور بطور نیٹورک جڑے ہوئے ہیں، اور مہمان نیٹورک ایک مختلف نقطہ ہے جو نیٹورک تک تو رسائی فراہم کرتا ہے، لیکن آپ کے گھریلو نیٹورک تک نہيں۔ آپ کے مہمانوں کے لیے مہمان نیٹورک سے متصل کرنا زيادہ محفوظ ہے کیونکہ اس سے ناقابل بھروسہ افراد کا آپ کے بنیادی نیٹورک سے متصل آلات تک رسائی حاصل کرنے کے خلاف تحفظ ملتا ہے۔

1. کسی بھی براؤزر کے سرچ بار میں اپنے راؤٹر کا آئی پی ایڈریس درج کریں۔
2. اپنے راؤٹر میں بطور ایڈمن لاگ ان کریں۔
3. مہمان نیٹورک کی سیٹنگز تلاش کريں۔
4. مہمان کے وائی فائی کی رسائی فعال کریں۔ آپ کے راؤٹر کے لحاظ سے یہ ایک سوئچ کی شکل میں ہوسکتا ہے جسے آن کیا جاسکتا ہے یا ایک خانے کی شکل میں ہوسکتا ہے جس پر نشان لگایا جاسکتا ہے۔
5. مہمان وائی فائی نیٹورک کا نام سیٹ کریں۔
6. مہمان وائی فائی پاس ورڈ سیٹ کریں۔ آپ کے راؤٹر کے لحاظ سے آپ کو ایسا کرنے کے لیے سیکورٹی سیٹنگز پر جانے کی ضرورت پڑ سکتی ہے۔ مضبوط اور منفرد پاس ورڈ بنانے کا مشورہ دیا جاتا ہے۔ اس کا مطلب ہے کہ اس میں ایسی کوئی ذاتی معلومات شامل نہيں ہونی چاہیے جس کا اندازہ لگایا جاسکے اور اس میں مختلف حروف، نمبرز اور خصوصی کریکٹرز شامل ہونے چاہیے۔ نوٹ: اپنے مہمان نیٹورک اور اپنے مرکزی نیٹورک کے لیے ایک ہی پاس ورڈ رکھنے سے اجتناب کریں۔
7. اپنی نئی سیٹنگز محفوظ کریں۔بعض راؤٹرز میں آپ کو اپنے نیٹورک تک رسائی کرنے والے مہمانوں کی تعداد سیٹ کرنے کا آپشن شامل ہوگا۔ دوسرے ماڈلز میں مہمانوں کے وائی فائی سے متصل ہونے کی میعاد سیٹ کرنے کی سہولت ہوگی، جس کا مطلب ہے کہ انہيں مخصوص وقت کے بعد سائن آؤٹ کیا جائے گا۔ اس سے ناقابل بھروسہ یوزرز کے وائی فائی سے متصل آلات تک رسائی حاصل کرنے کے خلاف تحفظ ملتا ہے۔

1. اپنے بی ٹی اکاؤنٹ میں لاگ ان کریں۔
2. اوپر موجود مینیو میں اپنی سیکورٹی کلک کریں۔
3. بی ٹی والدین کے کنٹرولز کے حصے تک اسکرال کریں اور انتظام کریں کلک کریں۔
4. اگلی اسکرین میں آپ کو بتایا جائے گا کہ کیا والدین کے کنٹرولز فعال ہیں۔
5. بی ٹی والدین کے کنٹرولز کو آن یا آف پر جلدی سے تبدیل کرنے کے لیے بس سلائڈر پر کلک کریں۔
   
6. آپ کی تبدیلیوں کو عملدرآمد ہونے کے لیے دو گھنٹوں تک کا وقت لگ سکتا ہے۔ اگر دو گھنٹے گزرنے کے بعد بھی بی ٹی والدین کے کنٹرولز فعال نہ ہوں تو اپنے ہب کو دوبارہ بوٹ کرنے کی کوشش کریں۔

آپ اپنے سیکورٹی سسٹم تک رسائی کرنے والے کمپیوٹرز پر اینٹی وائرس سافٹ ویئر انسٹال کر سکتے ہيں۔ فائر والز اور اینٹی وائرس پروگرامز وائرس اور نقصاندہ سافٹ ویئر کے خطرے کی نشاندہی میں معاون ثابت ہوسکتے ہيں۔ معتبر اور نامور اینٹی وائرس سافٹ ویئر استعمال کرنے کا مشورہ دیا جاتا ہے۔

آپ اپنے گھریلو سیکورٹی سسٹم تک رسائی کرنے والے آلات کی تعداد کو محدود کر سکتے ہيں۔ آپ کے لیپ ٹاپس، سمارٹ فونز اور ڈیسک ٹاپ کمپیوٹر کے علاوہ کسی دوسرے آلے کو سیکورٹی سسٹم تک رسائی نہيں ہونی چاہیے۔

اینٹی جیمرز سگنل کی جیمنگ اور نقصان کے خطرے کی نشاندہی کے لیے بنائے گئے ہیں۔ آپ اس پروگرام کو اپنے سمارٹ فون یا اپنے گھریلو سیکورٹی سسٹم تک رسائی رکھنے والے کسی دوسرے آلے میں انسٹال کر سکتے ہيں۔ اینٹی جیمر جیمنگ آلے کے باعث سگنل کے نقصان کی صورت میں آپ کو مطلع کرتا ہے۔

تحفظ اور سیکورٹی کو زيادہ سے زيادہ بڑھانے کے لیے، اپنے گھر کے آٹومیشن کے سافٹ ویئر کو باقاعدگی کے ساتھ اپ ڈيٹ کرنا ضروری ہے۔ زيادہ تر گھریلو سیکورٹی کی کمپنیاں کارکردگی میں اضافہ کرنے، نئے فیچرز شامل کرنے، اور سیکورٹی سسٹمز کے نئے خطرات کا مقابلہ کرنے کے لیے اپنے پروگرامز کو اپ ڈيٹ کرتے ہيں۔ باقاعدگی کے ساتھ اپ ڈيٹ نہ کرنے کی صورت میں آپ کے سسٹم میں ہیکنگ کا نشانہ بننے کا امکان بڑھ جاتا ہے، اسی لئے ہدایات ملنے پر اپ ڈيٹس چلانے کا مشورہ دیا جاتا ہے۔