اپنی رنگ ڈوربیل محفوظ کرنے کا رہنما

اگر آپ کو اپنے اکاؤنٹ کی لاگ ان تفصیلات معلوم ہوں تو ابھی لاگ ان کریں۔ اس کے بعد مرحلہ نمبر4 پر جائيں۔

اگر آپ کو لاگ ان تفصیلات نہ معلوم ہوں یا اگر یہ آپ سے چھپائی گئی ہوں تو آپ کو مرحلہ نمبر 2 پر عمل کر کے آلے کو ری سیٹ کرنے کی ضرورت ہوگی۔

1. آلے کو اس کی انسٹالیشن پلیٹ سے ہٹائيں۔ ایسا کرنے کے لیے آلے کے نیچے موجود حفاظتی اسکرو ہٹائيں، جیسا کہ نیچے بتایا گيا ہے۔ ایسا فراہم کردہ ٹول کے ساتھ کرنا چاہیے، یا اگر آپ کے پاس اصلی اسکروڈرائیور نہ ہو تو متبادل کا استعمال کریں۔
   
2. آلے کے پیچھے موجود نارنجی بٹن کو 15 سیکنڈ کے لیے دبائيں اور دبا کر رکھیں۔ آلے کے سامنے موجود رنگ فلیش کرنے لگے گی۔
3. اب آپ رنگ ڈوربیل کو بطور نیا آلہ سیٹ اپ کرسکتے ہیں۔ ایسا کوئی بھی شخص جس نے اس آلے کو اپنی رنگ ایپ کے ساتھ پیئر کیا ہوگا، انہیں یہ آلہ اب بھی نظر آئے گا، لیکن انہيں حرکت اور اس کے بجنے کے متعلق مزيد مطلع نہيں کیا جائے گا اور نہ ہی وہ لائیو فیڈ مزید دیکھ پائيں گے۔

1. ایک دفعہ جب رنگ ایپ کھل جائے اور آپ نے سائن ان کر لیا ہو یا اکاؤنٹ سیٹ اپ کر لیا ہو تو آلہ سیٹ اپ کریں پر ٹیپ کریں اور پھر ڈوربیل منتخب کریں۔
2. آپ کو اپنے آلے کا کیو آر کوڈ اسکین کرنے کی درخواست کی جائے گی۔ کیو آر کوڈ رنگ ڈور بیل کے پیچھے موجود ہے۔ ایپ کے درخواست کرنے پر اسے اسکین کریں اور مراحل پر عمل کریں اور اپنی ضروریات کے مطابق سیٹنگز کو کسٹمائز کریں۔
3. سیٹ اپ کے دوران آپ کو اپنی رنگ ڈور بیل کو اپنے گھر کے وائی فائی سے متصل کرنے کی درخواست کی جائے گی۔ اپنے وائی فائی سے متصل ہونے سے پہلے، اس بات کو یقینی بنائيں کہ وہ محفوظ ہے۔. آپ کو اپنے وائی فائی کو محفوظ کرنے کے متعلق مزيد معلومات یہاں سے مل سکتی ہے۔

1. رنگ ایپ کی ہوم اسکرین پر رنگ ایپ ہوم اسکرین کے اوپری بائيں حصے میں موجود تین لائنوں کا انتخاب کرکے مینیو کھولیں اور پھر اکاؤنٹ منتخب کریں۔
2. درج شدہ تفصیلات دیکھ کر ان کی درستی کی یقین دہانی کریں۔ اگر آپ کا نام، فون نمبر، یا ای میل ایڈریس غیردرست ہوں تو متعلقہ معلومات پر ٹیپ کر کے اسے تبدیل کریں۔ آپ کو تبدیلیاں کرنے سے پہلے اپنے پاس ورڈ کی تصدیق کرنے کی ضرورت ہوگی۔
3. متصل اکاؤنٹس، جیسے کہ اپنا ایمزان اکاؤنٹ، چیک کريں، اور اس بات کی یقین دہانی کریں کہ یہ آپ کے اکاؤنٹس ہیں اور وہ محفوظ ہیں۔ آپ کا اکاؤنٹ اس وقت محفوظ ہوتا ہے جب اس کا پاس ورڈ مضبوط اور منفرد ہو اور دوسرے افراد کو معلوم نہ ہو، اور دو قدمی توثیق آن ہو۔ اگر آپ کو ایسا متصل اکاؤنٹ نظر آئے جسے آپ پہچانتے نہ ہوں تو آپ اسے منتخب کر کے اور پھر اکاؤنٹس غیرمتصل کریں منتخب کر کے اسے غیرمتصل کر سکتے ہيں۔
4. اگر کسی اور کو آپ کا رنگ پاس ورڈ معلوم ہو یا وہ اس کا آسانی سے اندازہ لگا سکیں تو آپ کو اکاؤنٹ سیٹنگز میں پاس ورڈ کے حصے کے ساتھ موجود تبدیل کریں کا انتخاب کر کے اپنا پاس ورڈ تبدیل کرنا چاہیے۔
5. ‘دو قدمی توثیق’ منتخب کر کے اپنے رنگ اکاؤنٹ کے لیے دو قدمی توثیق آن کریں۔

1. رنگ ایپ کی ہوم اسکرین کے اوپری بائيں حصے میں موجود تین لائنوں کا انتخاب کرکے مینیو کھولیں۔
2. سیٹنگز منتخب کریں۔
3. مشترکہ رسائی منتخب کریں۔
   
4. آپ یہاں آلے کے دوسرے یوزرز دیکھ سکتے ہيں۔ اگر اس فہرست میں ایسا کوئی شخص درج ہو جسے یہاں موجود نہيں ہونا چاہئے، تو آپ ان کا نام اور پھر ان کے نام کے دائيں طرف موجود بن آئيکن کو منتخب کر کے انہیں ہٹا سکتے ہيں۔

1. آپ چیک کر سکتے ہیں کہ کیا دوسرے آلات آپ کے رنگ اکاؤنٹ تک رسائی کے لیے رجسٹرڈ ہیں۔ ایسا کرنے کے لیے، رنگ ایپ کی ہوم اسکرین کے اوپری بائيں حصے میں موجود تین لائنوں کا انتخاب کرکے مینیو کھولیں۔ کنٹرول سینٹر منتخب کريں۔
2. مجاز کلائنٹ کے آلات منتخب کریں۔
3. ایسا کوئی آلہ ہٹانے کے لیے جسے آپ نہيں پہچانتے، آلے کے نام کے ساتھ موجود لال بن کا آئیکن منتخب کریں۔
4. تمام سائن ان شدہ آلات ہٹانے کے لیے تمام آلات ہٹائيں منتخب کریں (آپ اکاؤنٹ تک رسائی کے لیے جس آلے کا استعمال کر رہے ہيں وہ سائن ان رہے گا)۔

1. رنگ ایپ کی ہوم اسکرین کے اوپری بائيں حصے میں موجود تین لائنوں کا انتخاب کرکے مینیو کھولیں۔
2. آلات منتخب کریں۔
3. اپنی رنگ ڈوربیل منتخب کریں (ہوسکتا ہے کہ آپ کی ڈور بیل کا کسٹمائزڈ نام ہو جو آپ یا آپ کے گھر میں کسی نے سیٹ کیا ہو)۔
4. آپ یہاں مناسبت کے لحاظ سے سیٹنگز آن یا آف کر سکتے ہيں۔ ان میں حرکت کی سینسنگ، ڈور بیل کے کیپچر شدہ واقعات کا جائزہ لینا اور بہت کچھ شامل ہیں۔ بعض صورتوں میں اگر اکاؤنٹ تک رسائی رکھنے والا کوئی شخص نوٹیفیکیشنز اور حرکت کی سینسنگ جیسے فیچرز کو آپ پر نظر رکھنے کے لیے استعمال کر رہا ہو تو ہوسکتا ہے کہ آپ انہيں آف رکھنا چاہیں۔ تاہم احتیاط سے کام لیں کیونکہ ابیوزر کو نظر آسکتا ہے کہ آپ نے ان سیٹنگز کو تبدیل کیا ہے، جس کی وجہ سے ان کے ابیوز میں اضافہ ہوسکتا ہے۔

آپ کی رنگ ڈور بیل اس بات کی نشاندہی کر سکتی ہے کہ آپ گھر پر کب ہیں۔ ڈور بیل کو ‘سنوز’ کی ہدایت دی جاسکتی ہے تاکہ جب آپ گھر پر ہوں تو آپ کو گھر کے باہر ہونے والی حرکت کے متعلق مزید مطلع نہ کیا جائے۔ اس فیچر کی بدولت آپ کے گھر پر رہتے وقت گھر کے باہر ہونے والی حرکت کے متعلق رنگ ڈوربیل ایپ کی اطلاعات میں کمی ہوسکتی ہے۔ اگر آپ چاہتے ہيں کہ آپ کو گھر کے باہر ہونے والی حرکت کے متعلق مطلع کیا جائے، آپ یہ سیٹنگ تبدیل کر سکتے ہيں۔ یہ اس صورت میں فائدہ مند ثابت ہوسکتا ہے جب اکاؤنٹ تک رسائی رکھنے والا کوئی شخص اس فیچر کے ذریعے آپ پر نظر رکھ رہا ہو۔ تاہم احتیاط سے کام لیں کیونکہ ابیوزر کو نظر آسکتا ہے کہ آپ نے ان سیٹنگز کو تبدیل کیا ہے، جس کی وجہ سے ان کے ابیوز میں اضافہ ہوسکتا ہے۔

1. جیوفینس کی سیٹنگز تبدیل کرنے کے لیے، رنگ ایپ کی ہوم اسکرین کے اوپری بائيں حصے میں موجود تین لائنوں کا انتخاب کرکے مینیو کھولیں۔
2. سیٹنگز منتخب کریں۔
3. جیو فینس منتخب کریں۔
4. آپ فراہم کردہ نقشے پر جیوفینس کے لیے استعمال ہونے والا علاقہ تبدیل کر سکتے ہيں یا جیوفینس غیرفعال کریں منتخب کر کے اس فیچر کو غیرفعال کر سکتے ہيں۔
   

اینکرپشن اس وجہ سے اہم ہے کیونکہ اس سے آپ کے رنگ ڈوربیل کی ویڈیو فائلز کو محفوظ کیا جاسکتا ہے۔ اگر آپ کے کیمرے کے ویڈیو کیپچر کرنے اور محفوظ کرنے کے دوران کوئی شخص اسے زبردستی حاصل کرنے کی کوشش کرے تو اینکریپشن کی بدولت ان کے لیے آپ کی ویڈیو فوٹیج کو دیکھنا اور سمجھنا بہت مشکل ہوگا۔

1. رنگ ایپ کی ہوم اسکرین کے اوپری بائيں حصے میں موجود تین لائنوں کا انتخاب کرکے مینیو کھولیں۔
2. کنٹرول سینٹر منتخب کريں اور پھر نیچے اسکرال کر کے ویڈیو اینکریپشن منتخب کریں۔
3. اس بات کو یقینی بنائيں کہ ذخیرے اور ترسیل کے لیے ویڈیو اینکرپشن ہمیشہ آن ہے۔ اگر ایسا نہ ہو تو ذخیرہ اینکرپٹ شدہ منتخب کر کے اسے ٹاگل کر کے آن کریں۔ اس کے بعد ترسیل اینکرپٹ شدہ منتخب کریں اور اس بات کو یقینی بنائيں کہ ٹاگل آن ہے۔
   

آپ منتخب کر سکتے ہيں کہ آپ کی ویڈيوز کو کتنے عرصے تک ذخیرہ کیا جاتا ہے۔ آپ اپنی ویڈیوز کو اس بات کے ثبوت کے طور پر استعمال کر سکتے ہیں کہ کوئی آپ کے گھر میں اس وقت داخل ہوا تھا جب انہيں وہاں موجود نہيں ہونا چاہیے تھا۔ یہ فیچر مفت نہيں ہے۔ اپنی ڈوربیل پر لی جانے والی ویڈیوز کو محفوظ کرنے کے لیے آپ کو ماہانہ سبسکرپشن خریدنے کی ضرورت ہوگی۔

اس کا جائزہ لینے کے لیے، رنگ ایپ کی ہوم اسکرین کے اوپری بائيں حصے میں موجود تین لائنوں کا انتخاب کریں۔ کنٹرول سینٹر اور پھر ویڈیو کا انتظام منتخب کريں۔